2024-09-09 09:46:16, 572 ნახვა
ომი უკრაინაში
ზელენსკი - ომის გამარჯვების დეტალურ გეგმას ბაიდენს, ტრამპსა და ჰარისს წარვუდგენ
ომის გამარჯვების დეტალურ გეგმას ამერიკის შეერთებული შტატების პრეზიდენტ ჯო ბაიდენს, აშშ-ის პრეზიდენტობის კანდიდატსა და ყოფილ პრეზიდენტ დონალდ ტრამპსა და ვიცე-პრეზიდენტ კამალა ჰარისს წარვუდგენ,- ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში განაცხადა.
ზელენსკის თქმით, გეგმის შესახებ იტალიაში აშშ-ის კონგრესის დელეგაციასთან შეხვედრისას უკვე ისაუბრა.
"გეგმის ყველა ნაბიჯს სრულად წარვუდგენთ აშშ-ის პრეზიდენტ ბაიდენს და ორივე საპრეზიდენტო კანდიდატს, ტრამპსა და ჰარისს. ახლა ჩვენთვის მნიშვნელოვანია შემოდგომის დასაწყისში უკრაინის პოზიციების გამყარება - ჩვენი ქალაქების დაცვა რუსული ტერორისგან და მეტი შესაძლებლობა ფრონტზე ჩვენი მეომრებისთვის",- განაცხადა ზელენსკიმ.
ავტორი: ექსპრესნიუსი,
epn.ge (@expressnews.ge)
