2024-09-06 12:49:25, 394 ნახვა
მსოფლიო
ვოლოდიმირ ზელენსკი გერმანიაში ჩავიდა
უკრაინის პრეზიდენტი ვოლოდიმირ ზელენსკი გერმანიაში, "რამშტაინის“ სამხედრო ბაზაზე ჩავიდა. ამის შესახებ ინფორმაციას "უკრაინსკაი პრავდა" ავრცელებს.
ზელენსკის თქმით, უკრაინა ელოდება მოკავშირეების "გადაწყვეტილებას" და საშუალებებს, რომლებიც დაეხმარება კიევს რუსეთის "საჰაერო ტერორის" შეჩერებაში.
"ჩავედი "რამშტაინის" ავიაბაზაზე უკრაინის თავდაცვის საკითხებზე საკონტაქტო ჯგუფის შეხვედრაში მონაწილეობის მისაღებად. საჭიროა, დაანონსებული დახმარების პაკეტებიდან ყველა იარაღი ბოლოს და ბოლოს მოხვდეს საბრძოლო ბრიგადებში“,- დაწერა ზელენსკიმ სოციალურ ქსელში.
ზელენსკიმ ასევე განაცხადა, რომ შეხვედრას ამერიკის შეერთებული შტატებისა და გერმანიის თავდაცვის მინისტრებთან აპირებს.
ცნობილია, რომ გერმანიიდან ვოლოდიმერ ზელენსკი იტალიაში გაემგზავრება, სადაც საერთაშორისო ეკონომიკურ ფორუმში მიიღებს მონაწილეობას.
ავტორი: ექსპრესნიუსი,
epn.ge (@expressnews.ge)
