2024-08-13 14:39:15, 478 ნახვა
მსოფლიო
მედია - თურქეთში 18 წლის ბიჭმა 5 ადამიანი ცივი იარაღით დაჭრა
თურქეთში 18 წლის ბიჭმა, რომელსაც კომპიუტერული თამაშის პერსონაჟის ფორმა ეცვა, დანითა და ნაჯახით 5 ადამიანი დაჭრა. ამის შესახებ ინფორმაციას თურქული მედია ავრცელებს.
მედიის ცნობით, ინციდენტი ქალაქ ესქიშეჰირში მოხდა.
დაჭრილები საავადმყოფოში გადაიყვანეს, მათგან ორის მდგომარეობა კრიტიკულია.
"ახალგაზრდა მამაკაცს კომპიუტერული თამაშის პერსონაჟის ფორმა ეცვა, ეკეთა სათვალე, ნიღაბი, ჩაფხუტი და ჯავშანჟილეტი, გულზე დამაგრებული ჰქონდა ნაცისტური ემბლემა. თავდასხმის დროს მამაკაცს ჩაფხუტზე დამაგრებული კამერა ჰქონდა და ფაქტს სოციალურ ქსელ X-ზე პირდაპირ ეთერში გადასცემდა",- წერს მედია.
მომხდართან დაკავშირებით მიმდინარეობს გამოძიება.
ავტორი: ექსპრესნიუსი,
epn.ge (@expressnews.ge)
