2024-08-05 11:03:08, 663 ნახვა
ომი უკრაინაში
უკრაინის საჰაერო ძალები - 24 გაშვებული რუსული დრონიდან 24-ვე გავანადგურეთ
უკრაინის საჰაერო თავდაცვის ძალებმა 24 გაშვებული რუსული დრონიდან 24-ვე გაანადგურეს. ამის შესახებ ინფორმაციას “უკრაინსკაია პრავდა“ უკრაინის საჰარეო თავდაცვის ძალებზე დაყრდნობით ავრცელებს.
საჰაერო ძალების ცნობით, რუსებმა უკრაინის ტერიტორიას პრიმორსკო-ახტარსკისა და კურსკის ტერიტორიებიდან შეუტიეს.
"დრონები ჩამოაგდეს კიევის, ვინიცას, კიროვოგრადის, ხარკოვის, სუმის, პოლტავისა და დნეპროპეტროვსკის ოლქებში.
დრონების ჩამოგდებაში მონაწილეობა მიიღეს თავდაცვის ძალების მებრძოლმა ჯგუფებმა, საზენიტო-სარაკეტო და საჰაერო თავდაცვის რადიოელექტრონული ბრძოლის ქვედანაყოფებმა",- აღნიშნულია ინფორმაციაში.
ავტორი: ექსპრესნიუსი,
epn.ge (@expressnews.ge)
