ამერიკის შეერთებული შტატების საპრეზიდენტო არჩევნებში "დემოკრატიული პარტიის" კანდიდატი, 19-22 აგვისტოს, ჩიკაგოში დაგეგმილ ოთხდღიან ყრილობაზე დასახელდება. ამის შესახებ BBC წერს.

ბრიტანეთის საზოგადოებრივი მაუწყებლის ცნობით, მანამდე, 24 ივლისს "დემოკრატიული პარტიის" ეროვნული ყრილობის წესების კომიტეტი შეიკრიბება და ახალი კანდიდატის არჩევის პროცესს განიხილავს.

"დემოკრატებისა" და "რესპუბლიკელების" პრეზიდენტობის კანდიდატები ერთმანეთს პირველად დებატებში, ABC-ზე 10 სექტემბერს დაუპირისპირდებიან.

აღსანიშნავია, რომ "რესპუბლიკური პარტიის" პრეზიდენტობის კანდიდატად აშშ-ის ყოფილი პრეზიდენტი დონალდ ტრამპი უკვე დასახელდა. 

საპრეზიდენტო არჩევნები მიმდინარე წლის 5 ნოემბერს გაიმართება.

შეგახსენებთ, გუშინ, 21 ივლისს ამერიკის შეერთებული შტატების მოქმედმა პრეზიდენტმა და "დემოკრატიული პარტიის" პრეზიდენტობის კანდიდატმა, ჯო ბაიდენმა საკუთარი კანდიდატურა მოხსნა. მანვე განაცხადა, რომ 2024 წლის საპრეზიდენტო არჩევნებზე "დემოკრატების" კანდიდატად მხარს ვიცე-პრეზიდენტ კამალა ჰარისს დაუჭერს.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე