2024-06-20 17:16:50, 722 ნახვა
ომი უკრაინაში
რუმინეთი უკრაინას „პატრიოტის“ სისტემას გადასცემს
რუმინეთი უკრაინას „პატრიოტის“ 4 სისტემიდან ერთს გადასცემს. ამის შესახებ ინფორმაციას უცხოური მედია რუმინეთის თავდაცვის უმაღლესი საბჭოს განცხადებაზე დაყრდნობით ავრცელებს.
როგორც საბჭოს განცხადებაშია აღნიშნული, გადაწყვეტილება უკრაინაში სიტუაციის მნიშვნელოვნად გაუარესების გათვალისწინებით, რუსეთის მხრიდან მშვიდობიან მოსახლეობაზე მუდმივი მასიური თავდასხმების წინააღმდეგ და რუმინეთის უსაფრთხოებისთვის მიიღეს.
მათივე ინფორმაციით, უკრაინას სისტემას იმ პირობით გადასცემენ, თუ რუმინეთი სტრატეგიულ პარტნიორებთან მოლაპარაკებების შედეგად ანალოგიურ ან სხვა მსგავს თავდაცვით სისტემას მიიღებს, ხოლო რუმინეთი თავის მხრივ სხვადასხვა ფორმით გააგრძელებს უკრაინის მხარდაჭერას რუსული აგრესიის წინააღმდეგ საბრძოლველად.
ავტორი: ექსპრესნიუსი,
epn.ge (@expressnews.ge)
