იტალიის საგარეო საქმეთა მინისტრმა, ანტონიო ტაიანიმ დაადასტურა, რომ რომი უკრაინისთვის კიდევ ერთ SAMP/T-ის ტიპის საჰაერო თავდაცვის სისტემის გაგზავნას აპირებს.

აღნიშნული ინფორმაცია ტაიანიმ ტელეკომპანია RAI-თან ინტერვიუში დაადასტურა და თქვა, რომ თავდაცვის სისტემა თავად უკრაინამ ითხოვა.

როგორც სააგენტო Reuters-ი და იტალიური გაზეთი Corriere della Sera იტყობინებიან, კიევი იქნება პირველი, რომელსაც მიეწოდება სისტემა, რომელიც მას საშუალებას მისცემს, 10 საჰაერო სამიზნე ჩამოაგდოს.

„უკრაინას აქვს ამერიკული პატრიოტის საჰაერო თავდაცვის სისტემები, რომლებსაც ასევე შეუძლიათ ბალისტიკური რაკეტების ჩამოგდება, მაგრამ კიევმა არაერთხელ განაცხადა, რომ მას ესაჭიროება გაცილებით მეტი ასეთი სისტემა“, - წერს მედია.

მათივე ინფორმაციით, 2023 წელს იტალიამ და საფრანგეთმა უკრაინას მიაწოდეს პირველი SAMP/T ინსტალაცია. შეიარაღებულმა ძალებმა, შესაძლოა, მეორე ასეთი სისტემა მიიღონ, რომელიც ამჟამად ქუვეითშია, თუმცა მალე იტალიაში უნდა დაბრუნდეს.

ავტორი: ექსპრესნიუსი,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა