2024-03-12 14:43:47, 912 ნახვა
მსოფლიო
ფაშინიანი - სომხეთი დატოვებს ОДКБ-ს, თუ ორგანიზაცია ერევნის მიერ დასმულ კითხვებს არ უპასუხებს
სომხეთი დატოვებს „კოლექტიური უსაფრთხოების ხელშეკრულების ორგანიზაციას" (ОДКБ), თუ ორგანიზაცია ერევნის მიერ დასმულ კითხვებს ქვეყნის სუვერენულ ტერიტორიასთან დაკავშირებით არ უპასუხებს, - ამის შესახებ სომხეთის პრემიერ-მინისტრმა, ნიკოლ ფაშინიანმა პრესკონფერენციაზე განაცხადა.
როგორც ფაშინიანი აღნიშნავს, სომხეთმა მიიღო გარანტიები „კოლექტიური უსაფრთხოების ხელშეკრულების ორგანიზაციისგან", რომ მზადაა, აზერბაიჯანთან საზღვარზე სამშვიდობო ძალები განალაგოს, მაგრამ ორგანიზაციას რესპუბლიკაში მისი პასუხისმგებლობის ზონა არ მიუთითებია.
„ახლა ჩვენ ვითხოვთ, ველით და მოვითხოვთ, რომ ჩვენი პატივცემული ОДКБ-ს პარტნიორებმა უპასუხონ კითხვას: რა არის „კოლექტიური უსაფრთხოების ხელშეკრულების ორგანიზაციის პასუხისმგებლობის სფერო სომხეთში“, - განაცხადა ფაშინიანმა.
ავტორი: ექსპრესნიუსი,
epn.ge (@expressnews.ge)
