2024-03-08 21:02:56, 649 ნახვა
მსოფლიო
სანდუ - თუ მშვიდობა გვსურს, უკრაინას ყველანაირად უნდა დავეხმაროთ
თუ მშვიდობა გვსურს, ჩვენ ყველანაირად უნდა დავეხმაროთ უკრაინას, - ამის შესახებ მოლდოვის პრეზიდენტმა, მაია სანდუმ ფრანგულ გამოცემა Le Monde-თან ინტერვიუში განაცხადა.
როგორც სანდუ აღნიშნავს, არაფერია იმაზე მნიშვნელოვანი, ვიდრე უკრაინის დახმარება რუსეთის წინააღმდეგ ომში გამარჯვებაში.
"დღეს ჩვენ თავს დაცულად ვგრძნობთ უკრაინელების მიერ გაწეული წინააღმდეგობის წყალობით, მაგრამ ევროპამ - არა მხოლოდ ევროპამ, არამედ ყველა ქვეყანამ, რომლებიც აფასებენ თავიანთი საზღვრების პატივისცემას - უნდა გაიაზრონ, რომ საჭიროა ვლადიმირ პუტინის შეჩერება. თუ მშვიდობა გვსურს, ჩვენ ყველანაირად უნდა დავეხმაროთ უკრაინას", - განაცხადა მოლდოვის პრეზიდენტმა.
ავტორი: ექსპრესნიუსი,
epn.ge (@expressnews.ge)
