2024-03-05 13:17:06, 736 ნახვა
საზოგადოება
სუროგატი დედის მშობიარობისა და საკეისრო კვეთის ხარჯებს სახელმწიფო აღარ აანაზღაურებს
სუროგატი დედის მშობიარობასა და საკეისრო კვეთას სახელმწიფო აღარ დააფინანსებს. შესაბამისი ცვლილება შევიდა „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის დადგენილებაში.
პრემიერ-მინისტრ ირაკლი კობახიძის შესაბამისი დადგენილება „საკანონმდებლო მაცნეზეა“ გამოქვეყნებული.
„პროგრამის ფარგლებში არ ანაზღაურდება სუროგატული დედის მშობიარობა/საკეისრო კვეთის ხარჯები“,- ნათქვამია დადგენილებაში.
დადგენილება ძალაში მიმდინარე წლის 1-ელ მარტს შევიდა.
ავტორი: ექსპრესნიუსი,
epn.ge (@expressnews.ge)
