აზერბაიჯანში დღეს, 7 თებერვალს რიგგარეშე საპრეზიდენტო არჩევნები იმართება. აზერბაიჯანული მედიის ცნობით, ხმის მიცემის პროცესი უკვე დაწყებულია.

ცენტრალური საარჩევნო კომისიის (ცესკო) თავმჯდომარის, მაზაჰირ პანაჰოვის განცხადებით, საარჩევნო უბნები, ადგილობრივი დროით, 08:00 საათზე გაიხსნა.

მისივე თქმით, ცესკოს საინფორმაციო ცენტრი კენჭისყრის მიმდინარეობისა და წინასწარი შედეგების შესახებ ინფორმაციას 10:00, 12:00, 15:00, 17:00 და 19:00 საათზე გაავრცელებს.

საპრეზიდენტო არჩევნებში პრეზიდენტობის 7 კანდიდატი, მათ შორის მოქმედი პრეზიდენტი ილჰამ ალიევი მონაწილეობს.

ამომრჩეველთა ერთიან სიაში 6 მილიონ 478 ათას 623 ამომრჩეველია რეგისტრირებული. მათ ხმის მიცემა ქვეყნის მასშტაბით 6 537 საარჩევნო უბანზე შეუძლიათ. რიგგარეშე საპრეზიდენტო არჩევნებს მონიტორინგს 90 000-ზე მეტი დამკვირვებელი უწევს.

ცნობისთვის, აზერბაიჯანის პრეზიდენტმა, ილჰამ ალიევმა ქვეყანაში რიგგარეშე საპრეზიდენტო არჩევნების ჩატარების შესახებ განკარგულებას ხელი გასულ წელს მოაწერა.

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო