12:45 - 26 Jun, 2026
ჩვენ შესახებ რეკლამა/ხელმოწერა
2023-12-07 14:13:18, 1093 ნახვა

მსოფლიო
ლოიდ ოსტინი უკრაინის თავდაცვის მინისტრს შეხვდა

ამერიკის შეერთებული შტატების თავდაცვის მდივანი ლოიდ ოსტინი უკრაინის თავდაცვის მინისტრს, რუსტემ უმეროვს შეხვდა. აღნიშნულის შესახებ ინფორმაციას უკრაინული მედია ავრცელებს.

მედიის ცნობით, ლოიდ ოსტინისა და რუსტემ უმეროვს შორის შეხვედრა პენტაგონში, დახურულ კარს მიღმა გაიმართა.

"მხარეებმა უკრაინის 2024 წლის სტრატეგიული მიზნები და ოპერაციების გეგმა განიხილეს. გარდა ამისა, მინისტრებმა ერთობლივი თავდაცვის თანამშრომლობის განვითარება და სამხედრო-სამრეწველო კომპლექსში ინვესტიციების მოზიდვაც განიხილეს“, - წერს მედია.

გარდა ამისა, შეხვედრაზე განხილულ იქნა ამერიკის შეერთებული შტატების უკრაინისადმი მხარდაჭერის, უკრაინის არმიის ნატოს სტანდარტების მიხედვით წვრთნისა და საფორტიფიკაციო ნაგებობების მშენებლობის საკითხები.

"უკრაინამ კონტროლი აღადგინა რუსეთის ფედერაციის მიერ 2022 წლის თებერვლის შემდეგ ოკუპირებული ტერიტორიების უმეტესობაზე. ჩვენ მხარს დავუჭერთ უკრაინას გრძელ ვადაში. დარწმუნებული ვარ, რომ ამაში ჩვენი მოკავშირეები და პარტნიორებიც დაგვეხმარებიან," - განაცხადა ლოიდ ოსტინმა შეხვედრის დაწყებამდე.

ამასთან, როგორც პენტაგონის მიერ გავრცელებული განცხადებაში ვკითხულობთ, ორმხრივი მოლაპარაკებები მინისტრებს შორის, გასულ თვეს კიევში გამართული შეხვედრების გაგრძელებაა და მოიცავს უკრაინის სტრატეგიული მიზნების მხარდაჭერის გრძელვადიან გეგმას.





ავტორი: ექსპრესნიუსი,


სოციალური ქსელები
ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს
NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს
საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი
ყალბი რეკლამით მოქალაქეებს ბინების მშენებლობა-რემონტს სთავაზობდნენ, მიისაკუთრეს 242 000 ლარი
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics