დავით ბაქრაძე იმედოვნებს, რომ მინსკის შეხვედრები უკრაინაში კონფლიქტს მშვდობიანად გადაწყვეტს

2015-02-11 11:54:26, 593 ნახვა

პოლიტიკა

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე იმედოვნებს, რომ მინსკის შეხვედრები უკრაინაში კონფლიქტს საბოლოოდ მშვიდობიანად გადაწყვეტს.
როგორც ბაქრაძემ ჟურნალისტებს განუცხადა,საქართველოს პოზიცია საერთაშორისო საზოგადოების პოზიციასთან თანხვედრაშია.
"ჩვენი პოზიცია ერთმნიშვნელოვანია. ჩვენ მხარს ვუჭერთ საკითხის მშვიდობიანი გზით გადაწყვეტას. ჩვენი პოზიცია თანხვედრაშია საერთაშორისო საზოგადოების პოზიციასთან და ჩვენ თვალს ვადევნებთ ნატოსა და ევროკავშირის განცხადებებს კონფლიქტთან დაკავშირებით.იმედი მაქვს, ეს შეხვედრები საბოლოოდ მშვიდობიანად გადაწყვეტს ყველაფერს",-განაცხადა დავით ბაქრაძემ.
ცნობისთვის, მინსკში წუხელ ღამით სამმხრივი შეხვედრა შედგა, რომელზეც მხარეებმა უკრაინაში არსებული ვითარების დეესკალაციისთვის ცეცხლის შეწყვეტის გადაწყვეტილება მიიღეს. „ბი ბი სის“ ინფორმაციით, დიპლომატების შეხვედრა დახურულ კარს მიღმა ადგილობრივი დროით 21:00 საათზე დაიწყო და ორი საათის განმავლობაში გრძელდებოდა. მასში უკრაინის ექსპრეზიდენტი ლეონიდ კუჩმა, ე.წ. დონეცკის და ლუგანსკის სახალხო რესპუბლიკების წარმომადგენლები, ეუთოს ოფიციალური წარმომადგენელი ჰაიდი ტალიავინი და რუსეთის ელჩი უკრაინაში მიხაილ ზურაბოვი მონაწილეობდნენ.
დღეს კი, უკრაინაში არსებულ ვითარების დეესკალაციის თაობაზე, მინსკში გერმანიის კანცლერი ანგელა მერკელის, საფრანგეთის პრეზიდენტი ფრანსუა ოლანდის, უკრაინის პრეზიდენტი პეტრო პოროშენკოს და რუსეთის პრეზიდენტი ვლადიმერ პუტინის ოთხმხრივი მოლაპარაკება გაიმართება.აღნიშნული გადაწყვეტილება მხარეებმა 8 თებერვალს ოთხმხრივი სატელეფონო საუბრის შემდეგ მიიღეს.