2023-11-29 19:07:43, 793 ნახვა
საზოგადოება
კახა აბუაშვილმა (კაბუმ) საპატიმრო დატოვა
ქალის მიმართ ძალადობის, მუქარისა და ნარკოტიკული საშუალების უკანონო შეძენა-შენახვის ფაქტზე დაკავებულმა კახა აბუაშვილმა (კაბუმ) საპატიმრო დატოვა.
კახა აბუაშვილს სასამართლოსგან 10 000-ლარიანი გირაო ჰქონდა შეფარდებული.
მისი ადვოკატის თქმით, გირაო სრულად არის გადახდილი.
ცნობისთვის, მსახიობი და რეპერი კახა აბუაშვილი (კაბუ) 26 ნოემბერს დააკავეს.
ბრალდება მას საქართველოს სისხლის სამართლის კოდექსის 126-ე მუხლის პირველი ნაწილით (გენდერული ნიშნით დისკრიმინაციის მოტივით ცემა, რამაც დაზარალებულის ფიზიკური ტკივილი გამოიწვია), 151-ე მუხლის პირველი ნაწილით (გენდერული ნიშნით დისკრიმინაციის მოტივით ჯანმრთელობის დაზიანების მუქარა) და 260-ე მუხლის პირველი ნაწილით (ნარკოტიკული საშუალების უკანონო შეძენა, შენახვა) წარედგინა.
ავტორი: ექსპრესნიუსი,
epn.ge (@expressnews.ge)
