2023-10-26 14:04:49, 589 ნახვა

---

მდინარაძე - ჰერჩინსკიმ მიზანმიმართულად გააკეთა აქცენტი, რისთვისაც შავ სიაში შეიყვანა მილიონობით რუბლით დაფინანსებულმა ხოშტარიამ, პარლამენტის რამდენიმე დეპუტატი

ალბათ, იხუმრაო ჰერჩინსკიმო, როცა ევროპაზე, ევროინტეგრაციაზე და საქართველოზე ლაპარაკობდა ევროინტეგრაციის პროცესში, ეს ხომ სიგიჟეა. როცა აღარ იცი რა უნდა თქვა, მაშინ გააკეთებ ასეთ სულელურ შეფასებას,- ამის შესახებ „ქართული ოცნების“ აღმასრულებელმა მდივანმა,  მამუკა მდინარაძემ "მაუწყებლობის შესახებ" კანონთან დაკავშირებით ევროკავშირის ელჩის, პაველ ჰერჩინსკის კომენტარზე განაცხადა.

„ბატონმა ჰერჩინსკიმ, და მადლობა მას ამისთვის, კონკრეტულად იმ თემაზე და როგორც ჩანს, მიზანმიმართულად გააკეთა აქცენტი, რისთვისაც ბოლშევიკურ შავ სიაში შეიყვანა რუსეთის ფედერალური ბიუჯეტიდან მილიონობით რუბლით დაფინანსებულმა ლიაკა ხოშტარიამ, პარლამენტის რამდენიმე დეპუტატი. პარლამენტის დეპუტატებმა, და დადასტურებულად ეს უკვე არის ევროკავშირის ელჩისგან, ევრორეკომენდაციების შესასრულებლად დააინიცირეს კანონი და გაიტანეს ბოლომდე, ამისთვის ბოლშევიკურ შავ სიაში შეიყვანეს რუსეთიდან დაფინანსებულმა ადამიანებმა ეს დეპუტატები. პირდაპირ გეტყვით, დიდი პატივია ამ სიაში ყოფნა იქიდან გამომდინარე, რომ თუ ამ სიაში ხარ, ესე იგი, გარანტირებულად ემსახურები შენს ქვეყანას და შენს ხალხს და ხვდები ფაშისტური იდეოლოგიის, ბოლშევიკების მიერ შედგენილ შავ სიაში, რომელიც გვაგონებს 1937 წლის სიას, 2012 წლის “ნაცების“ მიერ შედგენილ შავ სიას და ასე შემდეგ“,- განაცხადა მამუკა მდინარაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი