რუსეთმა შავი ზღვის ფლოტის გემების ანექსირებული ყირიმიდან საქართველოს ოკუპირებულ ქალაქ ოჩამჩირეში გადაყვანის გადაწყვეტილება მიიღო. ამის შესახებ უკრაინის თავდაცვის სამინისტროს მთავარი სადაზვერვო სამმართველოს სპიკერმა, ვადიმ სკიბიცკიმ განაცხადა.

როგორ სკიბიცკი ამბობს, თავდაპირველად, რუსებმა გემების ნაწილი ნოვოროსიისკში გადაიყვანეს, თუმცა "იქაური პატარა პორტი ვერ იტევს რუსეთის შავი ზღვის ფლოტის ყველა გემს, ამიტომ კრემლმა გადაწყვიტა, ამ მიზნისთვის საქართველოს ოკუპირებული ტერიტორია გამოეყენებინა".

სკიბიცკის თქმით, რუსებმა ოკუპირებულ ოჩამჩირეში პორტის ინფრასტრუქტურა აღადგინეს და ფსკერის გაღრმავების სამუშაოებიც ჩაატარეს.

"ქალაქ ოჩამჩირეში, აფხაზეთში მიმდინარეობს აქტიური სამუშაოები. რუსებმა იქ ფსკერის გაღრმავების სამუშაოები ჩაატარეს, პორტის ინფრასტრუქტურა განაახლეს, რათა აქ განლაგებული სამხედრო ხომალდები უზრუნველყოფილი იყოს, თუმცა ეს მაინც პატარა ადგილი იქნება", - განაცხადა სკიბიცკიმ.

ცნობისთვის, 5 ოქტომბერს, დროებით ოკუპირებული აფხაზეთის ე.წ. პრეზიდენტმა, ასლან ბჟანიამ გამოცემა Известия-სთან ინტერვიუში განაცხადა, რომ ოკუპირებულ ოჩამჩირეში რუსეთის საზღვაო ძალების მუდმივი ბაზა გაიხსნება.

ინფორმაციას გამოეხმაურნენ საქართველოს საგარეო საქმეთა სამინისტროში და თქვეს, რომ "შეშფოთებას გამოთქვამენ სოხუმში რუსეთის საოკუპაციო რეჟიმის განცხადებებთან დაკავშირებით საქართველოს ოკუპირებულ ტერიტორიებზე რუსეთის დამატებითი სამხედრო ბაზის განლაგების და რუსეთის მიერ ინიცირებულ ინტეგრაციულ პროცესებში საქართველოს განუყოფელი აფხაზეთის რეგიონის ჩართვის შესახებ".

ავტორი: ექსპრესნიუსი,

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება