საქართველოს პრეზიდენტი სალომე ზურაბიშვილი ორი დღეა გვევაჭრება, მეზობლებიც უნდოდა მოეწვია სხდომაზე,- ამის შესახებ "ქართული ოცნების" დეპუტატმა, ირაკლი ზარქუამ განაცხადა.

ზარქუას თქმით, პრეზიდენტი პარლამენტში "შოუს დადგმას აპირებს".

"ქალბატონმა პრეზიდენტმა ვერ გაიაზრა, ვერ გაითვალისწინა, ორი დღეა გვევაჭრება, ჯერ 21-კაციანი სია გადმოაგზავნა "სტაფის", შემდეგ დიპლომატებიც უნდოდა მოეწვია, მეგობრები, მეზობლები. ვერ გაიაზრა, რომ ეს არის პარლამენტი, ეს არ არის პრეზიდენტის სასახლე. იქ შეუძლია, ვინც უნდა ის მოიწვიოს. ორი დღეა გვევაჭრება, უნდა რაღაც სტუმრები და შოუ დადგას. ოპოზიციას მიმართა გარეთ დამელოდეთო, ეს სასწაულია, საგიჟეთში ვცხოვრობთ რაა. პარლამენტში უნდა ადვოკატებით მოვიდეს კაცო, ამ შოუში ჩვენ მონაწილეობას არ მივიღებთ. ერთ-ერთი საკითხია, სადაც კიდევ ერთხელ აეხსნება ქალბატონ პრეზიდენტს მისი მოვალეობები, უფლებამოსილებები. რა სტატუსი აქვს, კიდევ ერთხელ შევეცდებით, რომ განვუმარტოთ და ავუხსნათ, თუ გაიგებს გაიგებს, თუ არადა ეს არის",- განაცხადა ზარქუამ.

შეგახსენებთ, დღეს, 18 ოქტომბერს პარლამენტი პრეზიდენტის იმპიჩმენტის პროცესს იწყებს.

პროცესისი დაწყებამდე, პრეზიდენტის ადმინისტრაციამ განცხადება გაავრცელა, სადაც აღნიშნულია, რომ პარლამენტმა იმპიჩმენტის საკითხის განხილვისას, სხდომაზე დიპლომატიური კორპუსისა და საკონსტიტუციო სასამართლოში პრეზიდენტის წარმომადგენლები მოწვევაზე უარი განაცხადა.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე