დაგეთანხმებით კითხვაში გახმოვანებულ პათოსზე - მოწმენდილ ცაზე მეხი იყო, ოღონდ „ნაცმოძრაობისთვის“, ეს იყო ევრორეკომენდაციის ერთ-ერთი პუნქტი,  დღეს ჩვენ ეს პუნქტი სრულად შევასრულეთ და ეს ევროდავალება ჩავხურეთ,- ამის შესახებ „ქართული ოცნების“ აღმასრულებელმა მდივანმა, ფრაქცია „ქართული ოცნების“ თავმჯდომარემ, მამუკა მდინარაძემ იუსტიციის უმაღლესი საბჭოს ორი არამოსამართლე წევრის არჩევის საკითხზე, ჟურნალისტის კითხვის პასუხად განაცხადა.

მისი თქმით, "ქართულ ოცნებას" ევრორეკომენდაციის ერთ-ერთი პუნქტის შესრულება "მანევრებით უწევს".

„ანუ, ჩვენ მთელი მობილიზაცია უნდა გამოვაცხადოთ და მანევრები უნდა ვატაროთ იმისთვის, რომ ბოლოს მივიდეთ იქამდე, რომ  შესრულდეს ევროკომისიის რეკომენდაციის კონკრეტული პუნქტი, რაშიც პირდაპირ, დეკლარირებულად ხელს გვიშლის „ნაცმოძრაობა“ და რადიკალური ოპოზიცია.

არც ერთს - პოლიტიკურ ჯგუფებს, პარტიას არ განუცხადებია, რომ მხარს დაუჭერს ევრორეკომენდაციის რომელიმე პუნქტის შესრულებას, ამიტომ ჩვენ მათგან დამოუკიდებლად მოვახერხეთ. როგორი საბოტაჟი და ბულინგი იყო წინა შემთხვევაში საკუთარი თანაგუნდელების მიმართ მხოლოდ და მხოლოდ იმის გამო, რომ რამოდენიმე ადამიანმა მაშინ მხარი დაუჭირა ევრორეკომენდაციის შესრულებას და კონკრეტულ ადამიანებს მისცეს ხმა იუსტიციის უმაღლეს საბჭოში ასარჩევად. ეს იყო ევრორეკომენდაციის ერთ-ერთი პუნქტი და დღეს ჩვენ ეს პუნქტი სრულად შევასრულეთ და ეს ევროდავალება ჩავხურეთ“,- განაცხადა მდინარაძემ.

ცნობისთვის, დღეს, 17 ოქტომბერს პარლამენტმა იუსტიციის უმაღლესი საბჭოს წევრებად გოგა კიკილაშვილი და ლევან ნემსაძე  აირჩია.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე