ბოლო წელიწად-ნახევრის განმავლობაში, ასევე 2014 წელს და მანამდე საქართველოში პუტინის რუსეთის ქმედებები აჩვენებს, რომ ის უარყოფს ისეთ ფუნდამენტურ პრინციპებს, როგორიცაა ტერიტორიული სუვერენიტეტი და დამოუკიდებლობა,- ამის შესახებ აშშ-ის სახელმწიფო მდივანმა, ენტონი ბლინკენმა ბეიკერის საზოგადოებრივი პოლიტიკის ინსტიტუტში დისკუსიისას განაცხადა.

ბლინკენის თქმით, მსოფლიო "ცივი ომის" შემდგომი ერის დასასრულის მიჯნაზე იმყოფება.

"ვფიქრობ, საჭიროა, დავრწმუნდეთ, რომ გვაქვს კარგად გაცნობიერებული, რა ხდება სინამდვილეში. და ეს ჩვენთვის ძალიან ნათელია. თუ ერთ ნაბიჯს უკან გადავდგათ და შევხედავთ, რა ეტაპზე ვართ, ჩვენ გვაქვს "ცივი ომის" შემდგომი ერის დასასრული. მიმდინარეობს ინტენსიური კონკურენცია, რათა მოხდეს იმის ფორმირება, თუ რა იქნება შემდგომ. ერთ-ერთი კონკურენტი არის რუსეთი და პუტინის რუსეთის ქმედებები, რომლებიც მან განახორციელა არა მხოლოდ გასული წელიწად-ნახევრის განმავლობაში, არამედ, სულ მცირე, 2014 წელს და შესაძლოა, მანამდე, საქართველოში 2008, 2009 წელს, აჩვენებს, რომ ის უარყოფს არსებულ წესრიგს, ფუნდამენტურ პრინციპებს, რომლებიც განსაზღვრავს წესრიგს - ტერიტორიულ სუვერენიტეტსა და დამოუკიდებლობას",- განაცხადა ბლინკენმა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს