ჩვენ უნდა გავათავისუფლოთ ჩვენი ტერიტორიის რაც შეიძლება დიდი ნაწილი და წინ უნდა წავიწიოთ, თუნდაც ეს იყოს (ნახევარ მილზე) ან (ასი) მეტრზე ნაკლები, ჩვენ ეს უნდა გავაკეთოთ - პუტინს მოსვენება არ უნდა მივცეთ,- ამის შესახებ უკრაინის პრეზიდენტმა, ვოლოდიმირ ზელენსკიმ CBS-ის გადაცემაში "60 წუთი" განაცხადა.

როგორც უკრაინის სახელმწიფოს მეთაურმა აღნიშნა, კონტრშეტევაში პროგრესი ნელია, თუმცა მთავარია, რომ ქვეყანამ რუსეთის შეტევა შეაჩერა და კონტრშეტევაზე გადავიდა.

"ჩვენ ვიცავთ მთელი მსოფლიოს ღირებულებებს. უკრაინელი ხალხი ამაში იხდის უმაღლეს ფასს. ჩვენ ნამდვილად ვიბრძვით ჩვენი თავისუფლებისთვის, ჩვენ ვკვდებით. ჩვენ არ ვართ ფიქცია, ჩვენ არ ვართ წიგნი. ჩვენ ვიბრძვით რეალურად ბირთვულ სახელმწიფოსთან, რომელიც მსოფლიოს განადგურებით ემუქრება.

მსოფლიომ უნდა გადაწყვიტოს, გვინდა თუ არა პუტინის შეჩერება, თუ გვინდა მსოფლიო ომის დაწყება. ჩვენ ვერ შევცვლით პუტინს. რუსულმა საზოგადოებამ დაკარგა მსოფლიოს პატივისცემა. მათ აირჩიეს ის [პუტინი], ხელახლა აირჩიეს და აღზარდეს მეორე ჰიტლერი. ჩვენ არ შეგვიძლია დროის უკან დაბრუნება, მაგრამ ჩვენ შეგვიძლია, ეს შევაჩეროთ... თუ უკრაინა დაეცა, რა მოხდება ათ წელიწადში? უბრალოდ დაფიქრდით. თუ [რუსები] პოლონეთს მიაღწევენ, რა იქნება შემდეგ? მესამე მსოფლიო ომი?"- განაცხადა ზელენსკიმ.

ავტორი: ექსპრესნიუსი,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან