სოფლის მეურნეობის სამეცნიერო-კვლევითი ცენტრი უზბეკეთის, აკადემიკოს მ. მირზაევის სახელობის მებაღეობის, მევენახეობა-მეღვინეობის კვლევით ინსტიტუტთან ყურძნისა და მრავალწლოვანი კულტურების გენეტიკური რესურსების გაცვლის მიმართულებით თანამშრომლობას იწყებს. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, ურთიერთთანამშრომლობის მემორანდუმი სარგავი მასალის სერტიფიცირების სისტემის დანერგვის საერთაშორისო სტანდარტების გაზიარებას, სანერგე მეურნეობების პროექტის შემუშავებაში ხელშეწყობას, ინ ვიტრო გამრავლების წესების და შენახვა-გადამუშავების თანამედროვე ტექნოლოგიების გაზიარებას და ასევე ერთობლივი სემინარებისა და კონფერენციების ორგანიზებას გულისხმობს.

„ჩვენი ვიზიტის მთავარი მიზანი მევენახეობა-მეღვინეობის მიმართულებით საქართველოს გამოცდილების გაზიარება და მისი უზბეკეთში დანერგვაა. ჩვენი ინსტიტუტის ბაზაზე სანერგე მეურნეობის მოწყობას ვგეგმავთ, რისთვისაც გვსურს ვაზის ჯიშების გაცვლა. ქართული ჯიშების გამოცდა უზბეკეთის პირობებში მოხდება“ - აღნიშნა მ. მირზაევის სახელობის მებაღეობის, მევენახეობა-მეღვინეობის კვლევითი ინსტიტუტის დირექტორმა ულუგბეკ აბდუგანიევმა.

ვიზიტის ფარგლბეში, სტუმრებმა ჯიღაურას მრავალწლოვანი კულტურების საცდელ-სადემონტრაციო ბაზაზე არსებული ხეხილის და ვაზის კოლექციები დაათვალიერეს, ასევე წილკნის ერთწლოვანი კულტურების ბაზაზე ნიადაგის კვლევის, თესლისა და სარგავი მასალის და ინ ვიტრო ლაბორატორიების მუშაობას გაეცნენ. დელეგაციის წევრები შპს ირმა ჭანტურიას სახელობის ღვინის ლაბორატორიაშიც იმყოფებოდნენ, რომლის ძირითადი ფუნქცია ღვინისა და ყურძნისეული წარმოშობის პროდუქტების ლაბორატორიული კონტროლი და ღვინის მწარმოებელთა ტექნიკური მხარდაჭერაა.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს