მიუთითეს, რომ მისი ადგილი სარეცელზეა, სადაც უნდა ითამაშოს, მომაკვდავი, მოწამლული პრეზიდენტის როლი, რათა სახელმწიფო საქართველოს უფრო მეტი ზიანი მიაყენოს,- ასე ეხმაურება პარლამენტის პირველი ვიცე-სპიკერი გია ვოლსკი უკრაინის რადაში დარეგისტრირებულ მიმართვის პროექტს, რომელიც მესამე პრეზიდენტის, მიხეილ სააკაშვილის შეწყალებას ითხოვს.

ვოლსკის თქმით, სააკაშვილი აღარ არის ავად, აღარ სჭირს დემენცია და დაიწყო გამოჯანმრთელება.

"კოლექტიური წერილი, რომელიც ევროპარლამენტარებმა გაკეთეს, სწორედ ერთი და იმავე პროპაგანდისტულ ტრენდში ზის. ოღონდ ერთი რამ არის გასათვალისწინებელი - სააკაშვილი აღარ არის ავად, სააკაშვილს აღარ სჭირს დემენცია, სააკაშვილმა დაიწყო გამოჯანმრთელება. იგი გამოიჭრა, როგორც "ქვინის" ცნობილ სიმღერაშია, თავისუფლება მოითხოვა, პოლიტიკურ ასპარესზე გაიჭრა დ მას იმ წუთში მიუთითეს, რომ მისი ადგილი სარეცელზეა, სადაც უნდა ითამაშოს, მომაკვდავი, მოწამლული პრეზიდენტის როლი, რათა სახელმწიფო საქართველოს უფრო მეტი ზიანი მიაყენოს",- განაცხადა ვოლსკიმ.

ცნობისთვის, უკრაინის რადაში დარეგისტრირდა მიმართვის პროექტი, საქართველოს მესამე პრეზიდენტის მიხეილ სააკაშვილის ჰუმანიტარული მიზნით შეწყალებისა და სამკურნალოდ გადაყვანის შესახებ.

მანამდე, 44-მა ევროპარლამენტარმა საქართველოს პრეზიდენტ სალომე ზურაბიშვილს, პრემიერ-მინისტრ ირაკლი ღარიბაშვილსა და პარლამენტის თავმჯდომარე შალვა პაპუაშვილს წერილით მიმართა, სადაც ისინი ხელისუფლებას მოუწოდებენ, მხარი დაუჭირონ საქართველოს მესამე პრეზიდენტის, მიხეილ სააკაშვილის ევროკავშირის ერთ-ერთ წევრ ქვეყანაში გადაყვანას.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი