2023-07-13 09:10:39, 1443 ნახვა
ომი უკრაინაში
ლავროვი - უკრაინისთვის F-16-ების გადაცემას დასავლეთის მხრიდან ბირთვულ სფეროში საფრთხედ განვიხილავთ
რუსეთის საგარეო საქმეთა მინისტრი სერგეი ლავროვი უკრაინისთვის F-16-ის ტიპის მოიერიშე თვითმფრინავების გადაცემის გეგმას "მოვლენების უკიდურესად სახიფათო განვითარებად" აფასებს.
როგორც ლავროვმა რუსულ მედიას უთხრა, კრემლი დასავლეთის ამ ქმედებას ბირთვულ სფეროში საფრთხედ განიხილავს, რადგან F-16-ის მოდიფიკაციას აქვს სადგამი, რომელზეც შესაძლებელია ბირთვული იარაღის დამაგრება.
"საომარი მოქმედებების დროს ჩვენი სამხედროები ვერ გაიგებენ, არის თუ არა მითითებული ტიპის თითოეული კონკრეტული თვითმფრინავი აღჭურვილი ბირთვული იარაღის მიწოდებისთვის.
უკრაინის შეიარაღებულ ძალებში ასეთი სისტემების გამოჩენის ფაქტი ჩვენთვის განიხილება, როგორც დასავლეთის საფრთხე ბირთვულ სფეროში", - თქვა ლავროვმა.
ავტორი: ექსპრესნიუსი,
epn.ge (@expressnews.ge)
