2023-06-16 10:34:45, 1694 ნახვა
ომი უკრაინაში
დანია უკრაინელ პილოტებს F-16-ის ტიპის მოიერიშე თვითმფრინავების მართვაში მოამზადებს
დანია თავის ავიაბაზაზე უკრაინელ პილოტებს F-16-ის ტიპის მოიერიშე თვითმფრინავების მართვაში მოამზადებს. უცხოური მედიის ინფორმაციით, აღნიშნული ინიციატივის შესახებ დანიის თავდაცვის მინისტრის მოვალეობის შემსრულებელმა, ტროელს ლუნდ პულსენმა ბრიუსელში, ნატო-ს ქვეყნების მინისტერიალზე ისაუბრა.
პულსენი აცხადებს, რომ პილოტების მომზადების გეგმა დანიამ ნიდერლანდებთან ერთად შეიმუშავა.
„ჯერ კიდევ ძალიან შორს ვართ იმისგან, რომ ეს თვითმფრინავები უკრაინის საჰაერო ძალებისთვის პოტენციურად საბრძოლო თვითმფრინავებად იქცეს. ჩემი შეფასებით, მომზადებას, სულ მცირე, 6 თვე დასჭირდება“,- ამბობს პულსენი.
ავტორი: ექსპრესნიუსი,
epn.ge (@expressnews.ge)
