2023-06-15 21:06:59, 1471 ნახვა
ომი უკრაინაში
ზელენსკიმ შვეიცარიის პარლამენტს მოუწოდა, რომ უკრაინაში იარაღის რეექსპორტი დაუშვან
უკრაინის პრეზიდენტმა, ვოლოდიმირ ზელენსკიმ შვეიცარიის პარლამენტს მოუწოდა, დაუშვას იარაღის რეექსპორტი უკრაინაში. ინფორმაციას ამის შესახებ უკრაინული მედია ავრცელებს.
ვოლოდიმირ ზელენსკიმ აღნიშნა, რომ რუსეთი გენოციდის ომს აწარმოებს, ხოლო უკრაინა ქვეყნის და მსოფლიოს ინტერესებს იცავს.
ზელენსკიმ ასევე მოუწოდა შვეიცარიას, უფრო მკაფიო კურსი ჰქონდეს იარაღის მიწოდებასთან დაკავშირებით და შეუერთდეს ევროპელ პარტნიორებს ამ საკითხში.
„ვიცი, რომ შვეიცარიაში განიხილება უკრაინის დასაცავად სამხედრო აღჭურვილობის ექსპორტის საკითხი. ეს სასიცოცხლოდ მნიშვნელოვანია. ჩვენ გვჭირდება იარაღი, რათა მშვიდობა აღვადგინოთ უკრაინაში“, - განაცხადა ზელენსკიმ.
ავტორი: ექსპრესნიუსი,
epn.ge (@expressnews.ge)
