რუსმა ოკუპანტებმა კრივოი-როგზე სარაკეტო იერიში მიიტანეს. აღნიშნულის შესახებ ინფორმაციას დნეპროპეტროვსკის რეგიონული სამხედრო ადმინისტრაციის ხელმძღვანელი სერგეი ლისაკი ავრცელებს.

მისი თქმით, დაბომვის შედეგად 3 ადამიანი დაიღუპა, ხოლო 25 დაშავდა, მათგან 19 საავადმყოფოშია გადაყვანილი, დაზიანდა სამოქალაქო ობიექტები, თუმცა საჰაერო თავდაცვამ 3 ფრთოსანი რაკეტის ჩამოგდება შეძლო.

აღნიშნულს გამოეხმაურა უკრაინის პრეზიდენტი ვოლოდიმირ ზელენსკიც.

"ტერორისტების მორიგი რაკეტა, რუსი მკვლელები აგრძელებენ ომს საცხოვრებელი კორპუსების, ჩვეულებრივი ქალაქების და ხალხის წინააღმდეგ. სამწუხაროდ, არიან დაღუპულები და დაჭრილები. კრივოი-როგში სამაშველო ოპერაცია გრძელდება. ვუსამძიმრებ ყველას, ვინც ახლობლები დაკარგა! ტერორისტებს არაფერს ვაპატიებთ, ისინი პასუხს აგებენ ყოველი რაკეტის გაშვებაზე",- წერს ზელენსკი.

ამასთან, როგორც კრივოი-როგის სამხედრო ადმინისტრაციის ხელმძღვანელმა, ალექსანდრე ვილკულმა განაცხადა, ნანგრევების ქვეშ, სავარაუდოდ, 7 ადამიანი იმყოფებოდა.

ავტორი: ექსპრესნიუსი,

სოციალური ქსელები

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო

20 ივნისის საქმეზე გიორგი გახარიას წინააღმდეგ მაკო გომურმა სასამართლოს ჩვენება მისცა