აქ საუბარი იყო კონკრეტულ ახალგაზრდებზე, რომლებსაც მართლა აქვთ ყველანაირი ორიენტაცია არეული. ყველანაირ ორიენტაციაში, პირველ რიგში, ვგულისხმობ, რა თქმა უნდა, პოლიტიკურ ორიენტაციას, თუმცა არა მარტო - სხვა ტიპის ორიენტაციაც იგულისხმება,- ასე განმარტავს "ქართული ოცნების" თავმჯდომარე ირაკლი კობახიძე "ორიენტაციის არევასთან" დაკავშირებით გუშინდელ განცხადებას.

როგორც კობახიძემ დღეს მედიის წარმომადგენელბთან საუბრისას განაცხადა, საქართველოს ჰყავს ღირსეული ახალგაზრდობა, "ამ კონკრეტულ ადამიანებზე ქართული ახალგაზრდობის დაყვანა კი, ძალიან დიდი სირცხვილია".

"მათ აქვთ, პირველ რიგში, პოლიტიკური ორიენტაციის პრობლემა, თუმცა ეს პოლიტიკური ორიენტაციის პრობლემა სხვა ორიენტაციასთან არის პირდაპირ დაკავშირებული.

ცდილობენ, რომ რაღაცნაირად ეს ახალგაზრდები გააიგივონ ჩვენს ახალგაზრდობასთან ზოგადად. მე მინდა გითხრათ, რომ დღეს ქვეყანას ჰყავს ღირსეული ახალგაზრდობა, გამორჩეული ახალგაზრობა და ამ კონკრეტულ ადამიანებზე ქართული ახალგაზრდობის დაყვანა არის ძალიან დიდი სირცხვილი და ეს არის დაუშვებელი. ეს ახალგაზრდები, კონკრეტული ადამიანები, რომლებსაც აქვთ არეული ორიენტაცია, არ არიან ჩვენი ღირსეული, ჯანსაღი ახალგაზრდები",- ამბობს კობახიძე.

ცნობისთვის, გუშინ, 10 ივნისს "ქართული ოცნების" თავმჯდომარეს, ირაკლი კობახიძეს ივანე ჯავახიშვილის სახელმწიფო უნივერსიტეტში რამდენიმე სტუდენტმა რუსული რუბლები კიბეზე ჩასვლისას გადაუყარა. 

მომხდარს გუშინვე გამოეხმაურა კობახიძე და თქვა, რომ "მათი ორიენტაცია არეულია, საჭიროა, რომ ბიჭებმა ცოლები მოიყვანონ, გოგოები დაქორწინდნენ".

ავტორი: ექსპრესნიუსი,

სოციალური ქსელები

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან