ჯანდაცვის მინისტრის მოადგილე თამილა ბარკალაია და სახელმწიფო ზრუნვის სააგენტოს დირექტორი მერი მაღლაფერიძე უზბეკეთის პრეზიდენტთან არსებული სოციალური დაცვის ეროვნული სააგენტოს ხელმძღვანელებსა და პრეზიდენტის ადმინისტრაციის წარმომადგენლებს შეხვდნენ. ვიზიტის ფარგლებში უზბეკეთის დელეგაცია საქართველოში არსებულ სოციალური დაცვის სისტემას, ამ სფეროში გატარებულ რეფორმებს და გამოცდილებას გაეცნო. ადგილზე მოინახულეს ამ მიმართულებით არსებული სახელმწიფო სერვისებიც. აღნიშნულის შესახებ ინფორმაციას ჯანდაცვის სამინისტრო ავრცელებს.

მათი ცნობით, თამილა ბარკალაიამ შეხვედრისას ქვეყანაში სოციალური მიმართულებით განხორციელებულ რეფორმებსა და მიღწეულ წარმატებებზე ისაუბრა. ასევე, ხაზი გაუსვა არსებულ გამოწვევებსა და მათი გადაჭრის გზებს.

„ზრუნვის სააგენტოს საქმიანობის შესახებ ვრცელი პრეზენტაცია გააკეთა, სააგენტოს დირექტორმა, მერი მაღლაფერიძემ  და  მიმდინარე პროექტებზე და პრიორიტეტებზე ისაუბრა.

სააგენტოს წარმომადგენლებმა დეტალურად განიხილეს ცალკეული თემები, მათ შორის სოციალური მუშაობა, სააგენტოში პროფესიული ზედამხედველობის სისტემა, დეინსიტიტუციონალიზაციის პროცესის მიმდინარეობა, ბავშვის მიმართ ძალადობა, სექსუალური ძალადობის მსხვერპლი ბავშვებისთვის ფსიქოლოგიურ-სოციალური მომსახურების ცენტრის ფუნქციონირება, ძალადობის მსხვერპლთათვის არსებული სერვისები.

გამართულ შეხვედრას უზბეკეთის ელჩი საქართველოში ბახრომ აშრაფხანოვი, საქართველოს ელჩი უზბეკეთში ზურაბ აბდუშელიშვილი, უზბეკეთში გაეროს ბავშვთა ფონდის წარმომადგენლები და სახელმწიფო ზრუნვის სააგენტოს ხელმძღვანელი პირები ესწრებოდნენ“,-აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს