ორთოპედიული ბალიშების გამოყენება ეფექტურია, როგორც რაიმე სახის პათოლოგიის, ასევე დიდხანს ჯდომის, მგზავრობის ან უბრალოდ ძილის დარღვევის დროს. სავარძლის დასაჯდომი ბალიში აუმჯობესებს მცირე მენჯში სისხლის მიმოქცევას, ხელს უშლის სწორი ნაწლავის ვენებში სისხლის შეგუბებასა და ბუასილის პროგრესირებას. სწორედ ამიტომ, ორთოპედიულ ბალიშებს  ყოველდღიურ ცხოვრებაში ადამიანები საკმაოდ აქტიურად გამოიყენებენ. ამ პროდუქტის ფუნქცია და დანიშნულება მრავალმხრივია, შესაბამისად, მომხმარებელთა კატეგორიაც მრავალფეროვანია. ორთოპედიულ ბალიშებს განსხვავებული ასაკის მქონე ადამიანები ჯანმრთელობის სხვადასხვა გართულების დროს იყენებენ. განვიხილოთ, თუ რა სახის პრობლემების მოწესრიგებას უწყობს ხელს ქართულ ბაზარზე არსებული სხვადასხვა  ორთოპედიული ბალიში:

●      კისრის ორთოპედიული ბალიში -  განკუთვნილია თავისა და კისრის მიდამოს ფიქსაციისთვის. მისი გამოყენება შეიძლება როგორც კომფორტული ძილისთვის, ასევე სამედიცინო დანიშნულებით, კისრის ოსტეოქონდროზის, თავის ქრონიკული ტკივილისა და აპნოეს დროს.

●      ზურგის ბალიში - აფიქსირებს წელს ანატომიურ მდგომარეობაში. დამზადებულია პოლიურეთანის ქაფისგან. იდეალურია იმ ადამიანებისთვის, რომლებსაც ოფისში მუშაობა და ძირითადად ჯდომა უწევთ.

●      სავარძლის ბალიში - იყენებენ ძირითადად ის ადამიანები, რომლებსაც უწევთ დიდი ხნის განმავლობაში ჯდომა და  კუდუსუნის არეში ტკივილი აწუხებთ. ის ასევე აუმჯობესებს მცირე მენჯში სისხლის მიმოქცევას, ხელს უშლის სწორი ნაწლავის ვენებში სისხლის შეგუბებასა და ჰემოროის პროგრესირებას.

●      რეფლუქსის საწინააღმდეგო ბალიში - განკუთვნილია გულ-ძმარვისთვის. ბალიშის ამაღლებული ზედაპირი სხეულის სწორ მდგომარეობაში ფიქსაციას უზრუნველყოფს, რაც საკვებს უკან დაბრუნების საშუალებას არ აძლევს.

●      ჩვილის ორთოპედიული ბალიში - შექმნილია ჩვილებისთვის 0 თვიდან. იმის გამო, რომ პატარები ძილში დიდ დროს ატარებენ, ორთოპედიული ბალიში მათი თავის ქალისა და ხერხემლის ჩამოყალიბებისთვის აუცილებელია. აღსანიშნავია, რომ ის ჰაერგამტარია და ბალიშს აქვს ბამბის დამცავი ზედაპირი, რომელიც მარტივად ირეცხება.

ორთოპედიული ბალიშები თავს, კისერსა და ხერხემალს სწორ მდგომარეობაში აფიქსირებს, რაც მთელ ტანს კუნთების მოდუნებაში ეხმარება. ამიტომ მისი ხშირი გამოყენება ჯანმრთელობის მდგომარეობას ბევრად აუმჯობესებს - ჯდომის, წოლისა თუ მგზავრობის პროცესში.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს