ფინანსთა სამინისტროს შემოსავლების სამსახურის უფროსი ლევან კაკავა ამერიკის შეერთებული შტატების საბაჟო და საზღვრის დაცვის დეპარტამენტის კომისრის თანაშემწის მოადგილეს, კლინტ ლემს და დეპარტამენტის წარმომადგენლებს შეხვდა.

შემოსავლების სამსახურის ცნობით, ეს პირველი შემთხვევაა, როდესაც საბაჟო ადმინისტრაციები, ასეთი მაღალი დონის შეხვედრას მართავენ.

"შეხვედრის მსვლელობისას, მხარეებმა საქართველო-ამერიკის შეერთებულ შტატებს შორის არსებული პარტნიორული ურთიერთობები განიხილეს და სამომავლო თანამშრომლობის პრიორიტეტებზე ისაუბრეს.

ამასთან, შემოსავლების სამსახურის ხელმძღვანელმა იმედი გამოთქვა, რომ სტრატეგიული პარტნიორობის ფორმატში, ამერიკის შეერთებული შტატები აქტიურად გააგრძელებს საქართველოს მხარდაჭერას, საბაჟო კონტროლის შესაძლებლობებისა და  საბაჟო ადმინისტრაციის შემდგომი ინსტიტუციონალური გაძლიერების მიმართულებით.

აღნიშნული ვიზიტი აშშ-ის ექსპორტის კონტროლისა და სასაზღვრო უსაფრთხოების პროგრამის (EXBS) ფარგლებში გაიმართა და მას, ასევე, ესწრებოდნენ შემოსავლების სამსახურის უფროსის მოადგილე, ვლადიმერ ხუნდაძე, საბაჟო დეპარტამენტის ხელმძღვანელი, ზურაბ სიჭინავა, საერთაშორისო ურთიერთობათა დეპარტამენტის უფროსი, სამსონ ურიდია და რისკების მართვის სამმართველოს უფროსის მოადგილე ოთარ რიკაძე",- ნათქვამია შემოსავლების სამსახურის ინფორმაციაში.

ავტორი: NS (სტატია დაფინანსებულია),

სოციალური ქსელები

ძვლის ტვინის გადანერგვის შემდეგ გართულების სამკურნალო "ჯაკავი" დაფინანსდება – ჯანდაცვა

რუსეთი საქართველოს მოუწოდებს, ალის გამოუყენებლობის შესახებ იურიდიულად სავალდებულო შეთანხმება შეიმუშაონ

ბარციცი: საქართველო ძალის გამოუყენებლობის შეთანხმებაზე დამატებით პროგრესს შეუძლებელს ხდის

მოსკოვი საქართველოს ოკუპირებულ ცხინვალთან და აფხაზეთთან ძალის გამოუყენებლობის შესახებ შეთანხმების გაფორმებისკენ მოუწოდებს