თბილისის მერის, კახა კალაძის განცხადებით, თბილისის მეტროპოლიტენისთვის ვაგონების შესყიდვაზე ტენდერი ევროპის რეკონსტრუქციისა და განვითარების ბანკის დაფინანსებით გამოცხადდა, თუმცა ვინაიდან კომპანია „მეტროვაგონმაში“ სანქციების ქვეშ მოექცა, ხელშეკრულება უქმდება. ამის შესახებ კალაძემ ჟურნალისტებს შესაბამისი კითხვის პასუხად განუცხადა.

„პროცედურულად ძალიან მარტივი თემაა, ხდება აღნიშნული ხელშეკრულების გაუქმება. თქვენ იცით, რომ ეს იყოს ევროპის რეკონსტრუქციისა და განვითარების ბანკის მიერ 2021 წელს გამოცხადებული შესყიდვა. კონკრეტული კომპანია იყო გამარჯვებული, მან წარმოადგინა ყველაზე დაბალი ფასი. აღნიშნული კომპანია მოექცა სანქციების ქვეშ, შესაბამისად, ხდება ხელშეკრულების შეწყვეტა“, - განაცხადა კახა კალაძემ.

ამასთან, კითხვაზე - ხელშეკრულების გაწყვეტის გამო მერიას ხომ არ ემუქრება დასანქცირება, მერი პასუხობს, რომ „მერია არაფერ შუაშია“.

„მერია არ დასანქცირდება, ეს არის EBRD-ის მიერ გამოცხადებული ტენდერი, რომელიც მათი უშუალო ჩართულობითა და წესებით ჩატარდა. რაც შეეხება ახალი ვაგონების შესყიდვას, ამაზე გვექნება საუბარი პრემიერ-მინისტრთან, ფინანსთა სამინისტროსთან და უახლოეს მომავალში გამოვაცხადებთ  შესყიდვას ვაგონების შესაძენად“,- განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

ძვლის ტვინის გადანერგვის შემდეგ გართულების სამკურნალო "ჯაკავი" დაფინანსდება – ჯანდაცვა

რუსეთი საქართველოს მოუწოდებს, ალის გამოუყენებლობის შესახებ იურიდიულად სავალდებულო შეთანხმება შეიმუშაონ

ბარციცი: საქართველო ძალის გამოუყენებლობის შეთანხმებაზე დამატებით პროგრესს შეუძლებელს ხდის

მოსკოვი საქართველოს ოკუპირებულ ცხინვალთან და აფხაზეთთან ძალის გამოუყენებლობის შესახებ შეთანხმების გაფორმებისკენ მოუწოდებს