ბიძინა ივანიშვილის უნდა დასანქცირდეს არა მხოლოდ უკრაინაში, არამედ ყველა ცივილიზებულ სამყაროში,- ამის შესახებ უკრაინის რადას დეპუტატმა, ოლექსეი გონჩარენკომ განაცხადა.

გონჩარენკოს თქმით, ბიძინა ივანიშვილმა საქართველოს მთავრობა იყიდა და საქართველო რუსეთის დაქვემდებარების ქვეშ ნაბიჯ-ნაბიჯ მიჰყავს. 

„მე მივმართე უკრაინის პრეზიდენტს და უკრაინის ეროვნული უსაფრთხოების და თავდაცვის საბჭოს, რომ ბიძინა ივანიშვილი უკრაინის სანქციების სიაში მოხვდეს, რადგან ის რუსეთის აგენტია, რომელსაც რუსეთის ბრძანებით საქართველოში ძალაუფლება აქვს ხელში აღებული.

ბიძინა ივანიშვილმა საქართველოს მთავრობა იყიდა, ნაბიჯ-ნაბიჯ მიჰყავს საქართველო რუსეთის დაქვემდებარების ქვეშ და გადაჰყავს რუსულ ორბიტაზე, რასაც ყოველდღე სხვადასხვა ქმედებებით ავლენს. ეს უქმნის საფრთხეს, როგორც საქართველოს, ისევე უკრაინას.

ბიძინა ივანიშვილის უნდა დასანქცირდეს არა მხოლოდ უკრაინაში, არამედ ყველა ცივილიზებულ სამყაროში. ვფიქრობ, რომ ჩემს წინადადებას მხადაჭერა ექნება“,- განაცხადა გონჩარენკომ.

აღსანიშნავია, რომ საქართველოს ყოფილი პრემიერ-მინისტრი, ბიძინა ივანიშვილი უკრაინის სანქციების პორტალზეა ნახსენები, რომელიც "ომი და სანქციები" უკრაინის ანტიკორუფციული სააგენტოსა და საგარეო საქმეთა სამინისტროს მიერაა შექმნილი.

როგორც პორტალზე გამოქვეყნებულ ინფორმაციაშია აღნიშნული, ბიძინა ივანიშვილს მჭიდრო კავშირი აქვს რუსეთის პოლიტიკურ ელიტასთან და ლობირებს რუსეთის ერთ-ერთი უმდიდრესი ადამიანის, ვლადიმერ ევტუშენკოვის ინტერესებს რუსეთსა და საქართველოში, რუსეთის ფედერაციის წინააღმდეგ სანქციების გვერდის ავლით.

გარდა ამისა, პორტალზე ასევე ნათქვამია, რომ ივანიშვილი პასუხისმგებელია მატერიალურ ან ფინანსურ მხარდაჭერაზე იმ ქმედებებისთვის, რომლებიც ძირს უთხრის ან საფრთხეს უქმნის უკრაინის ტერიტორიულ მთლიანობას, სუვერენიტეტსა და დამოუკიდებლობას.

შეგახსენებთ, რომ 11 მაისს, უკრაინის რადას დეპუტატმა, ოლექსეი გონჩარენკომ უკრაინის პრეზიდენტს, ვოლოდიმირ ზელენსკის საქართველოს ყოფილი პრემიერ-მინისტრის, ბიძინა ივანიშვილისთვის და "ქართული ოცნების" თავმჯდომარის, ირაკლი კობახიძისთვის სანციების დაწესების მიზნით მიმართა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის