2023-05-23 15:57:42, 1251 ნახვა
მსოფლიო
დონალდ ტრამპის წინააღმდეგ მწერალმა, ელიზაბეთ ჯინ კეროლმა ახალი სარჩელი შეიტანა
ამერიკის შეერთებული შტატების ყოფილი პრეზიდენტის, დონალდ ტრამპის წინააღმდეგ მწერალმა, ელიზაბეთ ჯინ კეროლმა ახალი სარჩელი შეიტანა.
ელიზაბეთ ჯინ კეროლი, რომელმაც მანამდე ტრამპს სექსუალური შევიწროებისა და ცილისწამების საქმეზე დავა მოუგო, აცხადებს, რომ სასამართლო განაჩენის გამოცხადების შემდეგ, ექსპრეზიდენტმა მას დამამცირებლად მიმართა.
მწერალი ტრამპისთვის კომპენსაციის სახით 10 მილიონი დოლარის დაკისრებას ითხოვს.
ცნობისთვის, 9 მაისს აშშ-ის სასამართლომ ყოფილი პრეზიდენტი დონალდ ტრამპი ჟურნალისტის და მწერლის, ელიზაბეთ ჯინ კეროლის სექსუალურ შევიწროებაში დამნაშავედ ცნო და მისთვის 5 მილიონი დოლარის გადახდა დააკისრა. ტრამპმა სასამართლოს გადაწყვეტილებას სამარცხვინო უწოდა.
ავტორი: ექსპრესნიუსი,
epn.ge (@expressnews.ge)
