Twitter-ის მფლობელმა, მილიარდერმა ელონ მასკმა კომპანიის აღმასრულებელი დირექტორის თანამდებობა დატოვა. ამის შესახებ მან მიკრობლოგში განაცხადა. ბიზნესმენს არ დაუკონკრეტებია, რატომ ტოვებს ამ თანამდებობას.

მასკის თქმით, მან ამ პოსტზე მემკვიდრე უკვე იპოვა. მან მისი ვინაობა არ დაასახელა და დასძინა, რომ მუშაობას დაახლოებით ექვს კვირაში დაიწყებდა.

თავად ელონ მასკი დაიკავებს კომპანიის დირექტორთა საბჭოს თავმჯდომარის და ტექნიკური დირექტორის თანამდებობებს.

NBCUniversal-ის სარეკლამო გაყიდვების ხელმძღვანელი ლინდა იაკარინო მოლაპარაკებებს აწარმოებს, რომ გახდეს Twitter-ის ახალი აღმასრულებელი დირექტორი, იტყობინება The Wall Sreet Journal წყაროებზე დაყრდნობით.

ილონ მასკმა Twitter 44 მილიარდ დოლარად შეიძინა გასული წლის ოქტომბერში. ის სოციალური ქსელის მუშაობის რადიკალურად აღდგენას დაჰპირდა, მაგრამ ყველა მცდელობა ხმამაღალ სკანდალებში გადაიზარდა, მათ შორის თანამშრომლების გათავისუფლება, ფასიანი მომხმარებლის გადამოწმების შემოღება და აშშ-ს ყოფილი პრეზიდენტის დონალდ ტრამპის ანგარიშის განბლოკვა. თავად მილიარდერი, რომელიც ცნობილი გახდა პირველ რიგში, როგორც Tesla-სა და SpaceX-ის კორპორაციების ხელმძღვანელი, თავის ნაბიჯებს სიტყვის თავისუფლების დაცვის სურვილით ხსნის. მან Twitter-ის წინა ხელმძღვანელობა ცენზურაში დაადანაშაულა, მათ შორის პოლიტიკური მიზეზების გამო.

გასული წლის ბოლოს მასკმა პირობა დადო, რომ გადადგებოდა Twitter-ის აღმასრულებელი დირექტორის თანამდებობიდან, როდესაც იპოვა მემკვიდრე. მანამდე მასკმა ამ თემაზე გამოკითხვა ჩაატარა და პირობა დადო, რომ მისი შედეგებით იხელმძღვანელებდა. შედეგად, გამოკითხვის 17 მილიონი მონაწილიდან 57 პროცენტზე მეტმა მხარი დაუჭირა მის წასვლას. თუმცა, არ არის გამორიცხული, რომ ხმის მიმღებთა შორის ბევრი ბოტი ყოფილიყო.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს