2023-05-11 23:51:04, 1453 ნახვა
ომი უკრაინაში
აშშ-ის თავდაცვის მდივანი - ჩვენ არ დავუშვებთ, რომ ჩაგვითრიონ ომში, რომელიც პუტინმა აირჩია
ჩვენ არ დავუშვებთ, რომ ჩაგვითრიონ ომში, რომელიც პუტინმა აირჩია, - ამის შესახებ აშშ-ის თავდაცვის მდივანმა, ლოიდ ოსტინმა განაცხადა.
მისივე თქმით, უკრაინის დახმარება გაგრძელდება, იქამდე სანამ ის აგრესორი რუსეთისგან თავს იცავს.
მან ასევე აღნიშნა, რომ აშშ-მა გასული წლის განმავლობაში უკრაინას 32 მილიარდ დოლარზე მეტი სამხედრო დახმარება გაუწია, რამაც ბრძოლის ველზე უკრაინის თავდაცვის გაძლიერებით შედეგი გამოიღო.
„ჩვენ არ დავუშვებთ, რომ ჩაგვითრიონ ომში, რომელიც პუტინმა აირჩია, მაგრამ ჩვენ ვიდგებით უკრაინის გვერდით, სანამ ის თავს იცავს და გავაგრძელებთ ნატოს კოლექტიური თავდაცვისა და შეკავების შესაძლებლობების გაძლიერებას“, - განაცხადა ლოიდ ოსტინმა.
ავტორი: ექსპრესნიუსი,
epn.ge (@expressnews.ge)
