2023-05-05 16:33:21, 1464 ნახვა
ომი უკრაინაში
9 მაისამდე უნდათ ოკუპირება - უკრაინის თავდაცვის სამინისტრომ ბახმუტის მიმართ რუსეთის ზრახვებზე ისაუბრა
რუსეთი 9 მაისამდე შეეცდება ბახმუტის ოკუპირებას, რისთვისაც მტერი იქ ვაგნერელებს სხვა მიმართულებებიდან აგზავნის. - ამის შესახებ უკრაინის თავდაცვის მინისტრის მოადგილემ ანა მალიარმა განაცხადა.
მისი თქმით, ვაგნერის ჯარებს ცვლიან ბახმუტის მიმართულებით მედესანტეების თავდასხმის რაზმები.
"ჩვენი მებრძოლები მტერს თავდაცვითი ძალების გარღვევის საშუალებას არ აძლევენ. გარდა ამისა, უკრაინული საარტილერიო ცეცხლით განადგურდა ვაგნერის საბრძოლო მასალის შესანახი ადგილები", - განაცხადა მან.
შეგახსენებთ, რომ ადრე რუსულმა პროპაგანდისტულმა მედიამ გაავრცელა ინფორმაცია, რის მიხედვითაც "ვაგნერის" დამფუძნებელმა ევგენი პრიგოჟინმა განაცხადა, რომ 10 მაისიდან გამოიყვანდა თავის ბოევიკებს ბახმუტიდან.
ავტორი: ექსპრესნიუსი,
epn.ge (@expressnews.ge)
