ლგბტ-პროპაგანდამ შესაძლოა დრამატულად გაზარდოს კონკრეტული ჯგუფის წარმომადგენლების რაოდენობა, - ასე გამოეხმაურა "ქართული ოცნების" აღმასრულებელმა მდივანმა, მამუკა მდინარაძე, ტელეკომპანია „იმედის” მიერ მომზადებულ სიუჟეტს, სადაც საუბარია „გელაპის“ კვლევის შედეგებზე.

მისივე თქმით, "გელაპის" კვლევამ ერთ-ერთი ქვეყნის მაგალითით აჩვენა, რომ ლგბტ პროპაგანდამ დრამატულად გაზარდა კონკრეტული ჯგუფის წარმომადგენლების რაოდენობა, აქედან გამომდინარე ამ საკითხზე სახელმწიფოს სერიოზული დაფიქრება მართებს.

„თანამედროვე მსოფლიოში ძალიან აქტუალური გახდა ეს საკითხი. თქვენ გახსოვთ ალბათ წლების განმავლობაში კონცეფცია იმის შესახებ, რომ პროპაგანდამ არ შეიძლება ამ მიმართულებით ვიღაცის რაოდენობა გაზარდოს ან შეამციროს, მაგრამ რასაც „გელაპის” კვლევაში ვკითხულობთ, ეს ნიშნავს, რომ პროპაგანდას შეუძლია გარკვეული რაოდენობის ზრდა, და თან არა უბრალო ზრდა, არამედ სერიოზული ზრდა.

გელაპის” კვლევას თუ დავუჯერებთ (ეს არის ძალიან ავტორიტეტული ორგანიზაცია) ამბობს, რომ ერთ-ერთ ქვეყანაში [ლგბტ-პროპაგანდამ] გაზარდა დრამატულად კონკრეტული ჯგუფის წარმომადგენლების რაოდენობა. ჩვენ გვმართებს, რომ ამაზე სერიოზულად ვიფიქროთ.

ეს არ არის მარტივი თემა, ერთ-ერთი ძალიან სენსიტიური თემაა და თემა, რომელსაც თავისი განშტოებები აქვს და ყველა განშტოებას თავისი მიმდევარი ჰყავს ადამიანებზე ფსიქოლოგიური ზემოქმედების თვალსაზრისით”, - განაცხადა მდინარაძემ.

„ექსპრესნიუსის” რედაქცია ემიჯნება დეზინფორმაციულ და ჰომოფობიურ განცხადებებს.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა