ბრიტანეთის დაზვერვის მონაცემებით, აპრილში, წინა თვეებთან შედარებით, რუსეთის დანაკარგები მნიშვნელოვნად შემცირდა. დაზვერვის ინფორმაციით, დანაკარგის შემცირება რუსეთის ფედერაციის შეიარაღებული ძალების თავდაცვაზე გადასვლამ გამოიწვია.

როგორც ანალიტიკოსები აღნიშნავენ, მიმდინარე წლის აპრილში, რუსების ყოველდღიური დანაკარგები, დაახლოებით, 30%-ით შემცირდა - განსაკუთრებულად მძიმე მსხვერპლი კი, იანვარ-მარტში დაფიქსირდა.

ბრიტანული დაზვერვა დასკვნას უკრაინის გენერალური შტაბის მიერ გავრცელებულ მონაცემებზე დაყრდნობით აკეთებს და წერს, რომ მარტში რუსების საშუალო დღიური დანაკარგი 776 სამხედრო პერსონალს წარმოადგენდა, აპრილში კი ეს რიცხვი 568-მდე შემცირდა. 

„დაზვერვა ვერ ამოწმებს უკრაინის მიერ გამოყენებულ კონკრეტულ მეთოდოლოგიას, მაგრამ ზოგადი ტენდენცია, სავარაუდოდ, ზუსტია", - ნათქვამია მიმოხილვაში. 

ავტორი: ექსპრესნიუსი,

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება