უკრაინის კანონიერი ადგილი ნატო-შია, ალიანსი პირობას დებს, რომ ყველაფერს გააკეთებს იმისათვის, რომ ეს შესაძლებელი გახდეს,- ამის შესახებ ნატო-ს გენერალურმა მდივნმა, იენს სტოლტენბერგმა უკრაინის პრეზიდენტთან, ვოლოდიმირ ზელენსკისთან ერთობლივი პრესკონფერენციის დროს განაცხადა.

სტოლტენბერგის თქმით, უკრაინამ სამართლიანად უნდა იპოვოს ადგილი ევროატლანტიკურ ოჯახში.

"უკრაინის კანონიერი ადგილი ნატო-შია და ჩვენ ამაში დავეხმარებით. დღეს განვიხილეთ ყოველწლიური საინიციატივო მხარდაჭერა. ეს დაგეხმარებათ, საბჭოთა პერიოდის აღჭურვილობიდან და დოქტრინიდან ნატო-ს სტანდარტებზე გადახვიდეთ და უზრუნველყოთ ალიანსთან სრული თავსებადობა",- განაცხადა სტოლტენბერგმა.

მისივე თქმით, ეს არის ნატო-ს უკრაინისადმი გრძელვადიანი ვალდებულების მტკიცებულება და ალიანსი მის გვერდით იმდენ ხანს იდგება, რამდენიც დასჭირდება.

"ჩვენ ვიცით, რომ რუსული აგრესია არის ტოქსიკური სისტემა, რომელიც უნდა შეჩერდეს. ჩვენ შევთანხმდით, რომ მნიშვნელოვანია მუდმივი მშვიდობა და მე ყოველმხრივ მივესალმები ვოლოდიმირ ზელენსკის "მშვიდობის ფორმულას". ჩვენ გავაგრძელებთ უკრაინის შეიარაღებული ძალების გაძლიერებას. ჩვენ უნდა უზრუნველვყოთ უკრაინის უსაფრთხოების უფრო ძლიერი შესაძლებლობები“, - დასძინა სტოლტენბერგმა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა