თბილისში, პარლამენტის შენობის წინ, "ერთიანი ნაციონალური მოძრაობის" ორგანიზებით აქცია, სახელწოდებით „ერთად ევროპაში“ მიმდინარეობს. 

დედაქალაქის მთავარ გამზირზე, რომელიც უკვე გადაიკეტა, შეკრებილი არიან სხვადასხვა პოლიტიკური პარტიების წარმომადგენლები, სამოქალაქო აქტივისტები და რიგითი მოქალაქეები.

"მთავარი გზავნილი არის ის, რომ საქართველოს მოქალაქეები არ დაუშვებენ იმას, რომ შანსი, რომელიც აქვს ჩვენს ქვეყანას ევროპაში ინტეგრაციის, ხელისუფლებამ ხელიდან გაგვაშვებინოს და იმოქმედოს ქართველი ერის ინტერესების წინააღმდეგ. ძალიან სამწუხაროა, რომ 9 აპრილს გვიწევს თითქმის იგივე მოთხოვნით შეკრება, რა მოთხოვნითაც იკრიბებოდნენ მაშინ საქართველოს თავისუფლებისთვის. დღეს რომ არ გვყავდეს ისეთი ხელისუფლება, როგორიც გვყავს "ქართული ოცნება", გარწმუნებთ, ჩვენ აქ შევიკრიბებოდით იმ სურვილის ასასრულებლად, რაც ჰქონდათ ჩვენს პატრიოტ ახალგაზრდებს 1989 წელს", - განაცხადა "ერთიანი ნაციონალური მოძრაობის" წარმომადგენელმა, დავით კირკიტაძემ "ტვ პირველთან" საუბრისას.

აქციაზე დაგეგმილია სიტყვით გამოსვლები.

ავტორი: ექსპრესნიუსი,

სოციალური ქსელები

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით