ომბუდსმენის კონსილიუმი მიხეილ სააკაშვილის მოსანახულებლად „ვივამედში“ შევიდა

2023-04-02 14:18:44, 923 ნახვა

საზოგადოება

კლინიკა "ვივამედში" საქართველოს მესამე პრეზიდენტის, მიხეილ სააკაშვილის მოსანახულებლად სახალხო დამცველის კონსილიუმის წევრები შევიდნენ.

როგორც ცნობილია, ექსპრეზიდენტთან ამ წუთებში 4 პროფილის ექიმი - ნევროლოგი, ჰემატოლოგი, კარდიოლოგი და რეანიმატოლოგი იმყოფება.

"ვივამედში" ომბუდსმენის აპარტის მიერ შექმნილი სამედიცინო კონსილიუმის შესვლას წინ უძღოდა მიხეილ სააკაშვილის თხოვნა, რომ ის კონსილიუმის წევრებს მოენახულებინათ.

მანამდე, სახალხო დამცველმა, ლევან იოსელიანმა განაცხცადა, რომ კონსილიუმი საჭიროების არსებობის შემთხვევაში, თავად იღებს გადაწყვეტილებას მსჯავრდებულის მონახულების თაობაზე და ამ პროცესში ომბუდსმენი არ ერევა. იოსელიანის თქმით, სააკაშვილის ჯანმრთელობასთან დაკავშირებით, ყველა მონიტორინგის მექანიზმი შენარჩუნებულია და პროცესს შეფერხება არ ემუქრება.

ცნობისთვის, ომბუდსმენის კონსილიუმმა ექსპრეზიდენტი ბოლოს 19 თებერვალს მოინახულა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,