2023-03-13 13:10:05, 770 ნახვა
პოლიტიკა
კალაძე - თუ კონკრეტულ პიროვნებებს „ოცნების“ დატოვების სურვილი აქვთ, მათი უფლებაა
"ქართული ოცნების" გენერალური მდივანი, თბილისის მერი კახა კალაძე აცხადებს, რომ საპარლამენტო უმრავლესობას საფრთხე არ ემუქრება.
გავრცელებულ ინფორმაციაზე, რომ მმართველი პარტიის რიგები, შესაძლოა, რამდენიმე დეპუტატმა დატოვოს, კალაძემ განცხადება ცოტა ხნის წინ მედიის წარმომადგენლებთან გააკეთა.
კითხვას, ფლობს თუ არა ინფორმაციას, რომ რომელიმე დეპუტატი "ქართული ოცნებიდან" მიდის, პარტიის გენერალურმა მდივანმა ასე უპასუხა:
"თუ კონკრეტულ პიროვნებებს აქვთ სურვილი, დატოვონ პარტია "ქართული ოცნება", ეს მათი უფლებაა, არანაირი შეზღუდვა არ იქნება".
ავტორი: ექსპრესნიუსი,
epn.ge (@expressnews.ge)
