გასული წლის მაღალი ეკონომიკური ზრდა აისახა შრომის ბაზრის პოზიტიურ ტენდენციებზე - 2022 წელს უმუშევრობის დონე წინა წელთან შედარებით  შემცირდა და ისტორიულ მინიმუმს 17.3%-ს გაუტოლდა, - განაცხადა დღეს ვიცე-პრემიერმა, ეკონომიკისა და განვითარების მინისტრმა მთავრობის ადმინისტრაციაში მედიისთვის გამართულ ბრიფინგზე.

„ჩვენ გვესმის, რომ უმუშევრობის ისევ მაღალი დონე გვაქვს ქვეყანაში, თუმცა, დადებით ტენდენციას უნდა შევხედოთ და  ამ კუთხით უმუშევრობა 2022 წელს მართლაც ისტორიულ მინიმუმზე დავიდა.  დასაქმებულთა რაოდენობა 2022 წელს მნიშვნელოვნად, 66.3 ათასით გაიზარდა და 1,283.7 ათასი შეადგინა. 2022 წელს დასაქმების დონე 42.9%-ს გაუტოლდა, რაც წინა წელთან შედარებით 2.5 პროცენტით მეტია", - აღნიშნა ლევან დავითაშვილმა.

ეკონომიკის მინისტრი ხაზს უსვამს, რომ ეს მაჩვენებლები პანდემიამდელ მაჩვენებლებსაც მნიშვნელოვნად აღემატება. მისი თქმით, მნიშვნელოვანია, რომ ეს ტენდენცია შენარჩუნებულ იქნას და 2023 წელსაც გაგრძელდეს. 

„თუმცა, გვესმის, რომ როდესაც ჩვენ დასაქმებაზე და უმუშევრობაზე ვსაუბრობთ, საკმაოდ რთული გამოწვევების წინაშე ვდგავართ - ჩვენი პრობლემა არის სტრუქტურული უმუშევრობა, როდესაც თანხვედრაში არ არის ხოლმე სამუშაო ძალის კვალიფიკაცია, ან გეოგრაფიული ხელმისაწვდომობა და მოთხოვნა სამუშაო ძალაზე", - აღნიშნა ეკონომიკის მინისტრმა.

ავტორი: NS (სტატია დაფინანსებულია),

სოციალური ქსელები

„ჩვენ გვჭირდება შემაკავებელი ორდერი“- ტრამპი მელონის კიდევ ერთხელ დასცინის

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი

ერდოღანი და ტრამპი უკრაინასთან დაკავშირებით თურქეთის ინიციატივებს განიხილავენ