ბევრი ადამიანი იტანჯება უკრაინაში რუსეთის მიერ წარმოებული საომარი მოქმედებების გამო და ამ სიტუაციაში უკრაინას უნდა გავუწიოთ მაქსიმალური დახმარება, - ამის შესახებ გერმანიის კანცლერმა, ოლაფ შოლცმა განაცხადა.

მისივე თქმით, ყველაზე მნიშვნელოვანია, რომ პარტნიორებმა ცალსახად განაცხადონ, რომ უკრაინას დახმარებას გაუწევენ იქამდე, სანამ ამის საჭიროება იარსებებს, ხოლო გერმანია თავის მხრივ მზად არის ყოველთვის იდგეს უკრაინის გვერდით.

„მე ვფიქრობ, რომ მიმდინარე ომი სასტიკი და რუსეთის იმპერიალისტური მიდგომაა დაიპყროს მთელი უკრაინა ან მისი დიდი ნაწილი მაინც. ძალიან ბევრი ადამიანი იტანჯება უკრაინაში რუსეთის მიერ წარმოებული საომარი მოქმედებების გამო და ამ სიტუაციაში უკრაინას უნდა გავუწიოთ მაქსიმალური დახმარება. გერმანიამ ამიტომაც გაზარდა უკრაინის დახმარება და ახლა ჩვენ შეგვიძლია ვთქვათ, რომ გერმანია უკრაინისთვის იარაღის ყველაზე მსხვილი მიმწოდებელია ჩვენი კონტინენტის მასშტაბით და ეს დახმარება გაგრძელდება. ჭკვიანურია, თუ მოვემზადებით გრძელვადიანი პერიოდისთვის. ჭკვიანურია, თუ პუტინისთვის ჩვენი გზავნილი იქნება შემდეგი - ჩვენ ვართ მზად ყოველთვის ვიდგეთ უკრაინის გვერდით. ვფიქრობ, არ არის კარგი იდეა, რომ ამ სცენაზე და ამ კონფერენციაზე ჩვენ განვიხილოთ, თუ ზუსტად როდის, რომელ თვეს და რა რიცხვში დასრულდება ომი. ყველაზე მნიშვნელოვანია ყველამ ერთად ვთქვათ, რომ უკრაინას დავეხმარებით იქამდე, ვიდრე ამის საჭიროება იქნება. მე დარწმუნებული ვარ, რომ პუტინს არ ეგონა და ვერც ვერასდროს იფიქრებდა, რომ ევროპა ერთიანი იქნებოდა და არც ის ეგონა, რომ უკრაინას მსოფლიო გვერდით დაუდგებოდა და დახმარება იქნებოდა ისეთი, რაც დღეს გვაქვს. არც იმას იფიქრებდა, რომ გაეროში უმრავლესობა აგრესიის ომს უწოდებდა რუსეთის ქმედებებს და „დიდი ოცეული“ იტყოდა, რომ ამ ომში ბირთვული იარაღის გამოყენება არ უნდა მოხდეს. ჩვენი ამოცანა და მისიაა, ამ გზავნილების ერთგული ვიყოთ. მე ვარ დარწმუნებული, რომ ეს ერთობა შენარჩუნდება“, - განაცხადა შოლცმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია