მარტივი პროპაგანდისტული ხაზია, რომელიც ყალბ დილემებს ქმნის -  სააკაშვილის სიკვდილი თუ ევროკავშირის წევრობა, - ამის შესახებ საქართველოს პარლამენტის თავმჯდომარემ, შალვა პაპუაშვილმა გადაცემაში „იმედი LIVE” ევროკავშირში მიღებულ რეზოლუციასთან დაკავშირებით საუბრისას განაცხადა. 

პაპუაშვილის თქმით, ევროკავშირში მიღებულ რეზოლუცია არის ყველაზე არადემოკრატიული და არაევროპული ქცევა, რომელსაც ვხედავთ. 

„როდესაც ასეთი ცრუ დილემის წინაშე აყენებენ ამა თუ იმ პარლამენტის წევრს რა თქმა უნდა ეს ვიღაცაზე ემოციურად მოქმედებს და მას ურჩევნია მხარი დაუჭიროს რეზოლუციას, ვიდრე რაიმე ასეთი ბრალი შემდეგ არ ჰქონდეს. 

ერთ წელზე მეტია სააკაშვილი სასჯელს იხდის და ყოველდღე არის სიკვდილის ქრონიკა, როდესაც გვეუბნებიან რომ წამი წამზე, წუთი წუთზე, დღეს თუ არა ხვალ მოკვდება და გავიდა უკვე წელიწად ნახევარი. ჩვენ მეტი არგუმენტი რა უნდა ვთქვათ, გარდა იმისა, რომელსაც თავად დრო აძლევს ამ ადამიანებს და კიდევ ერთხელ ეს არის ცრუ დილემის შექმნა იმისთვის, რომ მოხდეს პირდაპირი შანტაჟი, მოხდეს მიხეილ სააკაშვილის გათავისუფლება და ცრუ დილემა, თითქოს არჩევანი არის მიხეილ სააკაშვილის სიცოცხლესა და ევროკავშირში საქართველოს წევრობას შორის. ეს არის ყველაზე არადემოკრატიული და არაევროპული ქცევა, რომელსაც სამწუხაროდ ვხედავთ და ამის განსახიერება თავად ამ რეზოლუციაშიც იყო სხვა ასევე მცდარი ინფორმაციები, რომელიც შიგნით არის მოხსენიებული.“- განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი