მე კვლავ ვესაუბრები პუტინს ტელეფონით, რადგან ჩვენ გვჭირდება ერთმანეთთან საუბარი,- ამის შესახებ გერმანიის კანცლერ ოლაფ შოლცმა ადგილობრივ მედიასთან ინტერვიუში განაცხადა. 

შოლცის თქმით, სანამ რუსეთის ფედერაცია არ შეწყვეტს აგრესიას უკრაინის წინააღმდეგ, ეს სიტუაცია არ შეიცვლება.

"მე კვლავ ვესაუბრები პუტინს ტელეფონით, რადგან ჩვენ გვჭირდება ერთმანეთთან საუბარი. სწორედ პუტინმა უნდა გაიყვანოს ჯარები უკრაინიდან და შეაჩეროს ეს საშინელი უაზრო ომი, რომელსაც უკვე ასობით ათასი ადამიანის სიცოცხლე შეეწირა", - განაცხადა გერმანიის კანცლერმა. 

როგორც შოლცმა აღნიშნა, პუტინთან ადრე სატელეფონო საუბრები "არ იყო არაკეთილსინდისიერი ტონით", მაგრამ მან არაერთხელ აჩვენა, რომ სურს "მეზობელი ქვეყნის ტერიტორიების ძალით ანექსია" და კანცლერმა ამას "მიუღებელი" უწოდა.

„დროდადრო ჩვენ განვიხილავდით ტყვეთა გაცვლის, უკრაინიდან მარცვლეულის ექსპორტისა და ზაპოროჟიეს ატომური ელექტროსადგურის საკითხებს. მაგრამ მნიშვნელოვანია, რომ მოლაპარაკებები დაუბრუნდეს აქტუალურ საკითხს: როგორ გამოვიდეს მსოფლიო აქედან. საშინელი ვითარებაა“, - აღნიშნა შოლცმა.

ცნობისთვის, 20 იანვარს გერმანიამ უკრაინისთვის ახალი მილიარდი ევროს სამხედრო დახმარების პაკეტის მიწოდების შესახებ განაცხადა. ეს არის ყველაზე დიდი დახმარება, რომელიც კიევს ბერლინისგან მიუღია.

ამავე დროს, გერმანია ძალიან რთულად დათანხმდა Leopard-ის ტიპის ტანკების უკრაინაში გადაცემას. 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია