ფართომასშტაბიანი შეჭრის შემდეგ პუტინი ჩემთვის არავინ არაა,- ამის შესახებ უკრაინის პრეზიდენტმა, ვოლოდიმირ ზელენსკიმ  Sky News-თან ინტერვიუში განაცხადა.

მისი თქმით, რუსეთის პრეზიდენტი, ვლადიმერ პუტინი ის ადამიანია, რომელიც ერთს ამბობდა და სულ სხვა რამეს აკეთებდა. 

"რუსეთს არ სურს მოლაპარაკებები და ასე იყო შემოჭრამდე. ასე გადაწყვიტა პუტინმა. მას არ სურს მოლაპარაკებები, რადგან არ სურს მშვიდობა.

დარწმუნებული ვარ, რომ უკრაინა მისთვის მხოლოდ პირველი ნაბიჯია. დარწმუნებული ვარ, ის დიდ ომს აწარმოებს. ხოლო ის, რომ უკრაინას ახლა მთელი მსოფლიოს ეხმარება, ამაზე არ ფიქრობს.  თუ ჩვენ ვერ გავუძლებთ, უკრაინას შემდეგ იქნება სხვა ნაბიჯები, იქნება სხვა ქვეყნები. ვფიქრობ, რომ გავუმკლავდებით, მივიღებთ მხარდაჭერას და გავიმარჯვებთ.

ჩემთვის არაა საინტერესო შეხვედრები, არაა საინტერესო საუბრები. რატომ? იმიტომ რომ ჩვენ გვქონდა შეხვედრა მასთან ნორმანდიულ ფორმატში. ის ფართომასშტაბიან ომამდე იყო. მე ვხედავდი ადამიანს, რომელიც ერთს ამბობდა და სულ სხვა რამეს აკეთებდა. ვერ ვიგებ - ეს მისი გადაწყვეტილებაა თუ ვინმე სხვის? ამიტომ, შეხვედრები, ხელების ჩამორთმევები? არაა საინტერესო. საუბრები? საერთოდ ვერ ვხვდები ვინ იღებს გადაწყვეტილებებს რუსეთში. ვინ არის პუტინი ახლა? ფართომასშტაბიანი შეჭრის შემდეგ პუტინი ჩემთვის არავინ არაა",- განაცხადა ზელენსკიმ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია