ქრისტეშობისადმი მიძღვნილი საზეიმო ლიტურგია მიმდინარეობს „ხსნის არმიაში“.

„კაცობრიობის ისტორიაში არ მომხდარა იმაზე დიდი მოვლენა, ვიდრე იესო ქრისტეს განკაცებაა. იესო ქრისტეს იუდეის ბეთლემში დაბადებით, მისი ცხოვრებით, სწავლებით, ქადაგებით და სიყვარულით გამოვლინდა მამის უპირობო სიყვარული ჩვენდამი, იმისთვის, რომ კაცობრიობა გადარჩენილიყო და გვქონოდა ხსნა. ამიტომ მთელ საქართველოს ვულოცავ ამ დღესასწაულს და ვუსურვებ, რომ ჰქონდეს მშვიდობა სულში, შინ და გარეთ და უფლის თანდასწრება იყოს მათთან“, – თქვა პირველ არხთან საუბრისას „ხსნის არმიის” რეგიონულმა მეთაურმა, რევაზ ბახტაძემ.

საქართველო ერთ-ერთია იმ 132 ქვეყნიდან, სადაც ქრისტიანული ეკლესია „ხსნის არმია“ და საერთაშორისო საქველმოქმედო ორგანიზაცია მოღვაწეობს. ქრისტიანული საქველმოქმედო ორგანიზაცია მე-19 საუკუნის შუა წლებიდან არსებობს, საქართველოში კი 1993 წლიდან მოღვაწეობს და ჰუმანიტარული საქმიანობის ფართო ქსელი აქვს. „ხსნის არმიის“ მიზანია სახარების ქადაგება, ღვთის სიტყვის გავრცელება, ხელმოკლე და გაჭირვებულ ადამიანთა დახმარება და სხვა საქველმოქმედო საქმიანობა. „ხსნის არმია“ წარმოდგენილია თბილისში – ოთხი და რუსთავში ორი ადგილობრივი ეკლესიით, ასევე მათი ეკლესიები ფუნქციონირებენ ბათუმსა და ლაგოდეხში. „ხსნის არმიელთა“ საღვთისმსახურო შეკრებებში საქართველოს მასშტაბით დაახლოებით 800 კაცი მონაწილეობს.

ავტორი: ექსპრესნიუსი,

სოციალური ქსელები

მონაკოში, საცხოვრებელ კორპუსში აფეთქების საქმეზე ეჭვმიტანილი ქალის ცხედარი კიევის მახლობლად იპოვეს

ფატიმა კარიმოვას მკვლელობის ფაქტზე აზერბაიჯანის მოქალაქეს ბრალი წარედგინა

დონალდ ტრამპი ევროპაში ამერიკული ჯარების მესამედით შემცირებას გეგმავს

დროებით ოკუპირებულ აფხაზეთში დრონების საფრთხე გამოცხადდა