რუსეთის თავდაცვის მინისტრმა, სერგეი შოიგუმ უკრაინის ზონაში ჯარების განლაგების ზონები დაათვალიერა და რუსული ქვედანაყოფების პოზიციები შეამოწმა. ამის შესახებ ჟურნალისტებს რუსეთის ფედერაციის თავდაცვის სამინისტროში განუცხადეს.

დეპარტამენტის პრესსამსახურის ცნობით, შოიგუმ პოზიციები ვერტმფრენით შემოიარა და სპეცოპერაციის ზონაში მოწინავე ნაწილების განლაგებაც შეამოწმა. მინისტრი სამხედროებსაც გაესაუბრა და მეთაურებისგან შექმნილ ვითარებაზე მოხსენებებიც მოისმინა. 

"სერგეი შოიგუმ ფრონტის ხაზზე ისაუბრა რუს სამხედრო მოსამსახურეებთან და მადლობა გადაუხადა პერსონალს საბრძოლო დავალების სანიმუშო შესრულებისთვის“, - აცხადებენ სამინისტროში.

სერგეი შოიგუმ ყურადღება გაამახვილა ჯარების საველე განლაგების პირობებში ყველაფრის უზრუნველყოფის ორგანიზაციაზე. 

ცნობისთვის, 16 დეკემბერს რუსეთის პრეზიდენტი ვლადიმერ პუტინი შეიარაღებული ძალების გაერთიანებულ შტაბს ეწვია, სადაც შეხვდა რუსეთის შეიარაღებული ძალების გენერალური შტაბის უფროსს ვალერი გერასიმოვს და ჯარების მეთაურს დაცვის სპეცოპერაციის ზონაში. პუტინმა მოისმინა ცნობები საომარი მოქმედებების მიმდინარეობის შესახებ. 

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე