მიხეილ სააკაშვილის კადრების გავრცელება ღირსების შემლახველია, -  ასე აფასებს დემოკრატიის კვლევის ინსტიტუტი საქართველოს მესამე პრეზიდენტის პერსონალური მონაცემების შემცველი კადრების გავრცელებას.

როგორც ორგანიზაციის განცხადებაშია ნათქვამი, სახელმწიფო პენიტენციური სამსახურის მიერ კადრების გასაჯაროების საბაბად მაღალი საზოგადოებრივი ინტერესის დასახელება ვერ იქნება ლეგიტიმური საფუძველი სააკაშვილის პერსონალური ინფორმაციის იმ მასშტაბით გავრცელების, რისი რეალური შედეგიც  მისი პიროვნული ღირსების შელახვაა. 

DRI მოუწოდებს საქართველოს ხელისუფლებას:

• უარი თქვას პოლიტიკურ ოპონენტებთან ანგარიშსწორების არალეგიტიმურ და ადამიანის ღირსების შემლახველ მეთოდებზე, რაც დემოკრატიული პოლიტიკურ სისტემასთან შეუთავსებელია.
• გაითვალისწინოს ქართველი და უცხოელი ექიმების სამედიცინო დასკვნები და ყველა შესაბამისი ნაბიჯი მხოლოდ მიხეილ სააკაშვილის სიცოცხლის და ჯანმრთელობის დაცვის ინტერესებიდან გამომდინარე გადადგას.  

შეგახსენებთ, რომ გუშინ, 14 დეკემბერს სპეციალურმა პენიტენციურმა სამსახურმა მიხეილ სააკაშვილის დამონტაჟებული კადრები გაავრცელა, რომელიც "ვივამედში", 9 აგვისტოდან 12 დეკემბრის ჩათვლით სხვადასხვა პერიოდს ასახავს.

უწყებამ კადრების გასაჯაროება „მაღალი საზოგადოებრივი ინტერესით“ ახსნა.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით